VisitScotland Business Events Travel Trade Corporate Media Toolkit

We use cookies

We use Cookies to improve your experience on this site.

You can accept our cookies policy or customise your choices.

Please refer to our Cookies Policy for more information.

Manage cookies settings

A’ toirt taic

Proxy

Agus turasachd ag ullachadh gus fosgladh a-rithist agus lasachadh a’ tighinn air cuingealachaidhean COVID-19, tha VisitScotland ag iarraidh air Albannaich tighinn còmhla gus taic a chumail ris an roinn, a’ cumail taic ri a h-ath-bheothachadh eaconamach tro shaor-làithean goirid, làithean a-muigh agus saor-làithean san dachaigh ann an Alba.

Le planadh agus rannsachadh mar phàirt chudromach de shaor-làithean às dèidh a’ ghalair lèir-sgaoilte, tha a’ bhuidheann turasachd nàiseanta cuideachd a’ cur an cuimhne luchd-tadhail cho cudromach ’s a tha e ‘a bhith fiosraichte mus falbh thu’.

Thuirt Malcolm Roughhead, Àrd-oifigear VisitScotland

“Leis an taic cheart is urrainn turasachd agus tachartasan ath-bheothachadh eaconamach a stiùireadh agus in-tasgadh a bhrosnachadh far a bheil am feum as motha air, ach gus sin a dhèanamh feumaidh an gnìomhachas taic fhaighinn bho na daoine a tha a’ fuireach ann an Alba an toiseach.

“Tha mòran ghnìomhachasan a’ fosgladh a-rithist às dèidh mìosan gun mhalairt sam bith agus le dùil gum bi fèill mhòr air làithean-saora san dachaigh a-rithist am-bliadhna tha fìor chothrom ann dhuinn uile tighinn còmhla gus ar taic a nochdadh airson turasachd ionadail.  Tha mi a’ cur ìmpidh air a h-uile duine, far a bheil e iomchaidh agus a rèir an stiùiridh, tadhal air taighean-bìdh a tha a’ còrdadh riutha, a bhith a’ tadhal air àiteachan turasachd, oidhche air falbh a chur air dòigh, a’ toirt an teaghlaich air falbh air latha a-muigh, a’ lorg àite am badeigin ùr agus a dhol air làithean saora ann an Alba am-bliadhna. Is ann dìreach leis an taic seo as urrainn dhuinn tòiseachadh air turasachd a chuideachadh gus ath-bheothachadh.

“Tha fòcas VisitScotland air ath-bheothachadh a’ ghnìomhachais, a’ togail ceann-uidhe agus gnàth-eòlas luchd-tadhail a leigeas le turasachd agus tachartasan soirbheachadh san latha an-diugh agus san àm ri teachd. Leanaidh sinn oirnn ag obair le, agus a’ toirt taic do ghnìomhachasan gus dèanamh cinnteach gun tèid a’ phàirt ro-chudromach de dh’eaconamaidh na h-Alba ath-thogail.

“Tron mhargaidheachd againn, tro na meadhanan sòisealta agus tro lìonra nan iCentre againn, cumaidh sinn oirnn a’ brosnachadh agus a’ toirt fiosrachadh do luchd-tadhail mu mar a bheir iad urram agus dìon do dh’Alba agus mar a gheibh i tlachd aiste agus às a h-uile càil a th’ aice ri thabhann. Tha sinn gu mòr airson ’s gun lean luchd-tadhail a’ chomhairle ‘bidh fiosraichte mus falbh thu’ nuair a tha iad gu bhith a’ siubhal; a’ faighinn a-mach agus a’ clàradh ro-làimh ma bhios feum air sin. “Le bhith a’ leantainn na comhairle seo agus sinn uile ag obair còmhla, is urrainn dhuinn piseach a thoirt air turasachd na h-Alba ann an dòigh shàbhailte agus chiallach. ”

“Tha turasachd adhartach - a’ cruthachadh luach eaconamach is sòisealta anns gach ceàrnaidh de dh’Alba agus a’ cur ri sunnd gach neach a bhios a’ gabhail pàirt ann.  Tha Alba nas beairtiche gu h-eaconamach agus gu sòisealta mar thoradh air turasachd, agus às a h-aonais, bhiodh Alba tòrr na bu bhochda.”

Airson barrachd fiosrachaidh, faic: www.visitscotland.org 

Save Download

A’ toirt taic

Tha VisitScotland a’ cur iompaidh air Albannaich ‘tighinn còmhla gus taic a thoirt’ agus an gnìomhachas a’ fosgladh a-rithist

Asset type post
ID 111628
Word count 684 words

Licence

Licence Rights Managed - VS Editorial A Licence to use assets for editorial purposes, which is, to illustrate an event or story in an article but not commercially such as marketing a product or print ad. An Editorial asset may show a brand, a trademarked logo or product, a public personality, or recognisable people, without a signed release or with limited releases. When you use VisitScotland Editorial content you do so to illustrate Scottish tourism in a positive way.
Expiry No expiry date
Released
Usage Editorial content can be published in a variety of formats ranging from print or digital to online. In print content can be featured in *newspapers *magazines *brochures. Online content can be published in a *blog *website *article or *social media. Regardless of the format this content should always promote Scotland’s tourism in a positive way.

Tags