Discover Scotland 2022

Tha VisitScotland a’ cur air bhog àrd-ùrlar do ghnìomhachais an t-siubhail a leigeas le gnìomhachasan na h-Alba ceangal a dhèanamh ri prìomh luchd-ceannach bho air feadh na cruinne a dh’aindeoin dhùbhlain COVID-19.

Tha Discover Scotland 2022 na shreath thachartasan ùra anns a bheil tachartas gniomhachas-ri-gnìomhachas air-loidhne agus còig taisbeanaidhean sgìreil.

Bidh Discover Scotland: Reconnect 2020 a’ tachairt air-loidhne air 5-7 Giblean 2022.

Thèid na còig taisbeanaidhean sgìreil air a bheil Discover Scotland: Live Showcase, a chumail an uair sinn sa Chèitean agus san t-Sultain 2022.

Còmhla, brosnaichidh na tachartasan seo gnìomhachasan turasachd na h-Alba do phrìomh luchd-ceannach eadar-nàiseanta ann an Alba.

Ann an 2022, thèid a chumail an àite an tachartais bhliadhnail fhad-sheasmhaich VisitScotland Expo le cruth ùr air a dhealbhadh gus dùbhlain a’ ghalair lèir-sgaoilte a lasachadh, gus togail air soirbheachas Scotland Reconnect 20/21 agus gus fàilte a chur air luchd-ceannaich eadar-nàiseanta a thighinn air ais dh’Alba le taisbeanaidhean sgìreil.

Cumaidh Discover Scotland 2022 taic cuideachd ri gealltanas VisitScotland gus an dùthaich a dhèanamh na phrìomh cheann-uidhe airson turasachd chiallach le bhith a’ taisbeanadh bathairean turasachd seasmhach ùra agus làithreach do phrìomh luchd-ceannach eadar-nàiseanta agus san RA gu dìreach.

Mar phàirt de Tourism Declares, tha a’ bhuidheann turasachd nàiseanta air aimneachadh gu poblach gum bi prìomh phàirt aige ann a bhith a’ cur air adhart Alba mar àite turasachd a tha air a h-aithneachadh air feadh an t-saoghail airson turasachd chiallach.

Bhon uair sin, tha VisitScotland air a bhith ag obair le gnìomhachas turasachd agus tachartasan na h-Alba gus ceann-uidhe turasachd seasmhach a chruthachadh a bheir dìon dhan àrainneachd nàdarra agus chultaraich agus a bheir buannachd an dà chuid do luchd-tadhail agus do mhuinntir an àite.

Tha Discover Scotland 2022 a’ leigeil le VisitScotland roghainn chosg-èifeachdach a chur an comas do ghnìomhachasan a tha a’ gabhail pàirt gus ceangal a dhèanamh, planadh air adhart agus gnìomhachas a dhèanamh air-loidhne agus gu pearsanta le luchd-ceannaich - agus is dòcha cuideachd a bhith ag ionnsachadh mun tairgse turasachd chiallach sgìreil dhaibh fhèin.

“Tha sinn air obrachadh le riochdairean gnìomhachas na turasachd gus dèanamh cinnteach gu bheil am prògram seo do ghnìomhachas na turasachd a rèir nam feumalachdan aca ann an 2022 agus a’ dèanamh cinnteach gu bheil e comasach ceangal a dhèanamh ri ceannaichean eadar-nàiseanta - tha sinn a’ dèanamh fiughair ri bhith a’ lìbhrigeadh seo.

“Tha sinn a’ toirt làn thaic do ghnìomhachas turasachd na h-Alba agus tha sinn dealasach a thaobh a bhith a’ cuideachadh ghnìomhachasan gus ath-shlànachadh às dèidh COVID-19, a’ toirt chothroman dhaibh a bhith a’ conaltradh le gnìomhachasan turais agus riochdairean siubhail bho air feadh an t-saoghail, an dà chuid air-loidhne agus san àite.

“Tha na dùbhlain an lùib a’ ghalair lèir-sgaoilte air cothrom a thoirt dhuinn ath-bheachdachadh a dhèanamh air mar a bhios sinn a’ lìbhrigeadh thachartasan; Chaidh Discover Scotland a dhealbhadh gus coinneachadh ri feumalachdan gnìomhachas na turasachd ann an 2022 agus gus dèanamh cinnteach gum bi e comasach ceangal a dhèanamh le luchd-ceannaich tro phrògram gnìomhachd ùr.

“Tha an luchd-tadhail eadar-nàiseanta againn air leth cudromach airson turasachd na h-Alba agus chùm sinn oirnn a’ conaltradh leis na margaidhean sin gu bhiortail aig àm a’ ghalar lèir-sgaoilte, a’ brosnachadh luchd-tadhail gu bhith “ag aisling an-dràsta, a’ siubhal a-rithist. ”

Chaidh Scotland Reconnect a chumail air-loidhne san t-Samhain 2020 agus chaidh seo a dhèanamh gu soirbheachail a-rithist sa Ghiblean 2021 mar dhòigh èifeachdach gus tachartasan a chumail an àite tachartasan beò aig àm a’ ghalair lèir-sgaoilte.

Chaidh còrr is 7,000 coinneamh gnìomhachais a chumail thairis air na trì làithean a bha air an cur air dòigh ro làimh.

Sa Ghiblean 2022, tha VisitScotland an dùil gum bi 300 luchd-ceannaich an làthair gu bhiortail bho chòrr is 20 margaidh agus le còrr is 300 solaraichean Albannach an làthair.

Airson barrachd fiosrachaidh, faic: [weblink]

AN DEIREADH

(Diluain-Diardaoin)

Kim Walton

Oifigear Corporra Sgìreil nam Meadhanan

Fòn:

(01224) 269187

Fòn-làimhe:

07805  802 508

kim.walton@visitscotland.com 

(Dihaoine)

Amelia Whittaker

Manaidsear Corporra nam Meadhanan - Roinneil

Fòn:

(01750) 723806

amelia.whittaker@visitscotland.com

·       Lean air Twitter sinn: @visitscotnews

·       ’S e VisitScotland buidheann turasachd nàiseanta na h-Alba.

·       ’S e am prìomh-adhbhar aige buannachdan eaconamach a chur an làn-mheud do thurasachd na h-Alba.

·       Is e prìomh amas na buidhne cur ri Scotland Outlook 2030, an t-amas ro-innleachd turasachd nàiseanta a bhith a’ cur air adhart clàr turasachd seasmhach agus ciallach.

·       Bidh seo stèidhichte air còig ro-innleachdan mòra:

·       Margaideachd, Tachartasan, Càileachd is Seasmhachd, Turasachd In-ghabhaltach, Com-pàirteachadh Eadar-nàiseanta.

·       Tha na chosgas luchd-turais ann an Alba a’ cruthachadh mu £12 billean de ghnìomhachd eaconamach air feadh sèineachan-solair na h-Alba agus cuiridh e mu £6 billeanan ri làn-thoradh dùthchail na h-Alba (ann am bun-phrìsean).

·       Airson brathan-naidheachd VisitScotland, tadhail air http://www.visitscotland.org/media_centre.aspx, airson stadastaireachd is ceistean cumanta, http://www.visitscotland.org/

·       Ma nithear iarrtas agus ma ghabhas a chur air dòigh, bidh neach-labhairt Gàidhlig againn airson agallamhan craolaidh.

·       Airson fiosrachadh mu làithean-saora ann an Alba, tadhail air www.visitscotland.com

·       Airson fiosrachadh mu ghnìomhachas na turasachd ann an Alba, tadhail air businessevents.visitscotland.com

·       Thèid Cladaichean is Uisgeachan h-Alba a chomharrachadh tro 2020 agus 2021 le prògram de ghnìomhan a chaidh a dhealbhadh gus taic a chumail ri roinnean turasachd agus tachartasan na h-Alba.

·       Às dèidh beachdan is ais-eòlas bho ghnìomhachas na turasachd is nan tachartasan, bha taic làidir ann gus a’ bhliadhna comharrachaidh a ghluasad air adhart gu 2021 agus dh’aontaich Riaghaltas na h-Alba ri sin a dhèanamh.

·       Tha obair a’ dol air adhart an-dràsta gus am prògram de thachartasan le taic ath-dhealbhadh agus gus cruth ùr a chur air.

·       Bidh a’ bhliadhna, air a stiùireadh le VisitScotland a’ cumail suas agus a’ togail air na Bliadhnaichean Cuspaireil a bh’ ann an Alba roimhe gus na cothroman a th’ ann eòlas fhaighinn air, agus tlachd fhaighinn à, Cladaichean is Uisgeachan air leth na h-Alba a thaisbeanadh, a chomharrachadh agus a chur air adhart, agus a bhith a’ brosnachadh com-pàirteachadh ciallach bho mhuinntir na h-Alba agus bho luchd-tadhail.

·       Cuiridh prògram de ghnìomhan, tachartasan agus beachdan, fòcas air a’ bhuaidh a bh’ aig na h-uisgeachan againn air Alba, bho bhith a’ cruthachadh feartan nàdarra àlainn gu bhith a’ cruthachadh na dighe nàiseanta againn - uisge-beatha.

·       Gabh pàirt anns a’ chòmhradh leis an taga #YCW2021

·       Às dèidh co-chomhairle leis a’ ghnìomhachas, thathar a’ planadh gum bi na Bliadhnaichean Cuspaireil a-nis a’ tachairt gach dàrna bliadhna gus am bi barrachd tìde ann airson planadh agus co-obrachadh.

·       Mar thoradh air buaidh COVID-19, bidh 2021 eadar-dhealaichte, le còmharrachaidhean 2020 air an gluasad air adhart.

·       Ann ann 2022, bithear a’ comharrachadh Bliadhna Sgeulachdan na h-Alba.

·       Bidh an ath bhliadhna cuspaireil ann an uair sin ann an 2024.Follow us on twitter: @visitscotnews