We use cookies
We use Cookies to improve your experience on this site.
You can accept our cookies policy or customise your choices.
Please refer to our Cookies Policy for more information.
Thuirt Malcolm Roughhead, Àrd-oifigear VisitScotland “Ged a tha na h-ionadan gu math eadar-dhealaichte a thaobh na rudan cultarach a tha iad a’ taisbeanadh, tha Gailearaidh Ealain Obar Dheathain agus Taigh-tasgaidh Ghèarrloch a cheart cho airidh air an urram seo, oir tha iad le chèile air oidhirpean mòra a dhèanamh gus sealltainn - airson adhbharan na duais seo - gu bheil an obair aca air a’ bhliadhna mu dheireadh air a bhith fada air thoiseach air na farpaisich aca. Aig cridhe ath-ghluasad agus ath-fhosgladh Taigh-tasgaidh Gheàrrloch tha oidhirp mhòr air a bhith aig a’ choimhearsnachd bho shaor-thoilich air leth, gus £2.4m de mhaoineachadh fhaighinn gus buncair airm trèigte ath-leasachadh agus atharrachadh gu bhith na àite tarraingeach ùr do luchd-tadhail. Tha seo fìor bhrosnachail airson coimhearsnachd a tha cho beag. “Dh’fhosgail Gailearaidh Ealain Obar Dheathain às ùr san t-Samhain às dèidh ath-leasachadh àrd-amasach luach £34.6m. Chan e a-mhàin gur e togalach brèagha agus ionad ealain aig ìre na cruinne a th’ ann ach tha e cuideachd na àite tarraingeach do luchd-tadhail, a’ measgachadh eachdraidh agus co-aimsireachd. “Bu toil leam meal a naidheachd a chur air an dà àite gu pearsanta airson a bhith a’ cur am follais agus a’ neartachadh na tairgse cultaraich do luchd-tadhail a dh’Alba rè bliadhna a tha air a bhith gu math dùbhlanach do ghnìomhachas na turasachd.”