VisitScotland Business Events Travel Trade Corporate Media Toolkit

We use cookies

We use Cookies to improve your experience on this site.

You can accept our cookies policy or customise your choices.

Please refer to our Cookies Policy for more information.

Manage cookies settings

A’ comharrachadh soirbheasan Maoin a’ Bhun-structair Dhùthchail

Proxy

Tha trì bliadhna ann bho dh’ainmich Riaghaltas na h-Alba gun cruthaicheadh ​​iad Maoin Bun-structar Turasachd Dùthchail (RTIF) le £6m de thasgadh gus cur ri càileachd turas an luchd-tadhail, sgrìobh Lynn Hamilton, manaidsear RTIF aig VisitScotland.

Anns na trì bliadhna sin, tha gluasadan ann an turasachd agus giùlan luchd-tadhail air atharrachadh agus tha a’ mhaoin air leigeil le VisitScotland freagairt air iarrtasan airson bun-structair a bharrachd agus bun-structar leasaichte air feadh na h-Alba, ag obair còmhla ri ar com-pàirtichean gus fuasglaidhean fhaighinn. 

Tha àireamhan luchd-tadhail a dh’Alba air fàs thar nam bliadhnaichean mu dheireadh airson diofar adhbharan, a’ gabhail a-steach margaidheachd shoirbheachail air slighe dràibhidh an NC500, turasachd film is TBh tro phrògram is filmean a bha soirbheachail air feadh an t-saoghail, leithid Outlander agus Harry Potter, agus an t-àrdachadh ann an àireamhan nan longan cuairt-mara agus fàs ann an roinn nan dachaighean-motair. 

Ann an cuid de dh’àiteachan, tha seo air droch bhuaidh a thoirt an dà chuid air an neach-tadhail agus air coimhearsnachdan ionadail a chionn ’s nach eil am bun-structar comasach air dèiligeadh ri na th’ ann de luchd-tadhail.

Chaidh an RTIF, a tha air a riaghladh le VisitScotland às leth Riaghaltas na h-Alba, a chruthachadh gus càileachd turas an luchd-turais do sgìrean dùthchail na h-Alba a leasachadh far a bheil cuideam air bun-structar mar thoradh air an àrdachadh seo ann an àireamhan an luchd-tadhail. 

Tha e ag amas air a’ bhuaidh aig luchd-tadhail air coimhearsnachdan agus goireasan ionadail a lùghdachadh agus air dòigh-obrach nas co-obrachail agus nas seasmhaiche a chruthachadh a thaobh solar bun-structair agus cumail suas ghoireasan ionadail san fhad-ùine a chum leas nan coimhearsnachdan agus an luchd-tadhail.

Dè a tha air a bhith soirbheachail?

Chaidh seachd tagraidhean deug aontachadh sa chiad chuairt maoineachaidh agus chaidh trì deug a bharrachd aontachadh san dàrna cuairt. Tha an treas cuairt a’ dol air adhart an-dràsta agus thèid na tagraidhean soirbheachail ainmeachadh tràth san Dùbhlachd.

Uile gu lèir, chaidh mu 760 àiteachan-pàircidh ùra a chruthachadh - a’ gabhail a-steach àiteachan far am faod dachaighean-motair pàirceadh fad na h-oidhche - a bharrachd air seachd-deug goireasan sgudail ceimigeach ùra.

Rinn baile beag Hoswick ann an Sealtainn iarrtas airson taic-airgid tron ​​chomhairle ionadail aca gus cuideachadh le bhith a’ cur ri ruigsinneachd airson cuairtean coidse a tha a’ tadhal air trì gnìomhachasan fighe ionadail a tha suidhichte aig ceann rathad aon-shligheach agus a tha ag adhbharachadh dhuilgheadasan dhan bhus ionadail agus do mhuinntir a’ bhaile. Le maoineachadh de £131,660, chaidh pàirc-chàraichean a thogail le 12 àite, a’ gabhail a-steach dà àite ruigsinneach, ochd racaichean baidhsagail agus sia pannalan eadar-mhìneachaidh . 

’S e fìor phròiseact com-pàirteachais a bha seo oir bha a’ choimhearsnachd ionadail air a chùlaibh agus bha fios aca gun leasaicheadh seo am beatha agus thug Comhairle Shealtainn taic air leth dha cuideachd. 

A rèir ais-eòlas a fhuaradh san aithisg adhartais mu dheireadh aig a’ phròiseact: “Tha am pròiseact air buaidh mhòr a thoirt air a’ choimhearsnachd leis a’ phròiseact a’ dèanamh deagh cheangal ri iomairtean eile a chaidh a ghabhail os làimh san sgìre anns na beagan bhliadhnaichean a dh’fhalbh. Tha na gnìomhachasan a tha a’ dèanamh bathar a tha tarraingeach do luchd-tadhail (4), an cafaidh, cuairtean le soidhnichean agus slighe baidhsagal / pàirceadh uile còmhla air an sgìre a dhèanamh nas tarraingiche bho shealladh luchd-tadhail gus an urrainn dhan àite a bhith ga bhrosnachadh fhèin gu misneachail agus gu h-èifeachdach dhan luchd-tadhail gu dìreach agus tro riochdairean turais ionadail mar àite freagarrach agus inntinneach far an cuir luchd-tadhail seachad tìde a’ faighinn tlachd à seallaidhean agus fiadh-bheatha na sgìre. Tha tòrr dòchais ann airson an àm ri teachd mar thoradh air a’ phròiseact seo.

Ann am pròiseact soirbheachail RTIF luach £64,997, chaidh goireasan ùra a chur air dòigh aig bonn Bhlàbheinn san Eilean Sgitheanach gus faothachadh a thoirt a thaobh pàirceadh is taighean-beaga. Chaidh an àireamh de dh’àiteachan pàircidh a leudachadh bho 16 gu 26, le dà thoileat compost, bùird cuirm-chnuic agus bùird mìneachadh luchd-tadhail, a’ cleachdadh dealbhadh a bha iomchaidh sa chruth-tìre. 

Chaidh obair leasachaidh a dhèanamh air trì làraichean ann an Loch Laomainn an Iar - Lus, Tairbeart Loch Laomainn agus Inbhir Dhubhghlais ann am pròiseact luach £281,000 gus na taighean-beaga a leasachadh, àiteachan teàirrdsidh do charbadan dealanach a chruthachadh agus gus ionad-sgudail airson sgudal ceimigeach a thogail ann an Tairbeart Loch Laomainn.  

Tha a’ bhliadhna seo air a bhith air leth dùbhlanach airson turasachd air feadh na h-Alba agus nuair a chaidh cuingealachaidhean a’ ghlasaidh-sìos fhuasgladh, bha mòran aithrisean ann mu dhuilgheadasan pàircidh ann an àiteachan turasachd, gearanan mu dhachaighean-motair a’ lìonadh nan rathaidean, taighean-beaga a bha dùinte no nach robh iomchaidh agus campachadh ‘salach’.

Tha an RTIF air a bhith ro-chudromach ann a bhith a’ cuideachadh le fuasgladh agus lasachadh dhuilgheadasan mar seo ann am mòran sgìrean agus gu ruige seo, tha e air maoineachadh de £5.6m a thoirt do 30 pròiseact air feadh na dùthcha bho 2017 *. Chaidh £2.5m de mhaoineachadh RTIF a chosg air a’ Ghàidhealtachd a-mhàin air pròiseactan gus turas an neach-tadhail a dhèanamh nas taitniche.

’S e àm freagarrach a tha seo do bhuidhnean coimhearsnachd agus buidhnean eile a bhith a’ comharrachadh nam feumalachdan bun-structair ionadail aca agus a bhith ag ullachadh airson tagradh a chur a-steach chun an ùghdarrais ionadail no pàirc nàiseanta aca airson maoineachadh. Tha sinn an dòchas gun tèid am maoineachadh ainmeachadh a dh’aithghearr. 

Airson barrachd fiosrachaidh mun RTIF, faic: https://www.visitscotland.org/supporting-your-business/funding/rural-tourism-infrastructure-fund”>https://www.visitscotland.org/supporting-your-business/funding/rural-tourism-infrastructure-fund

AN DEIREADH

*Chan eil am figear seo a’ gabhail a-steach nan trì pròiseactan pìleit a chaidh a mhaoineachadh gu dìreach le Riaghaltas na h-Alba mus deach a’ chiad chuairt den RTIF ainmeachadh sa Mhàirt 2018.

Save Download

A’ comharrachadh soirbheasan Maoin a’ Bhun-structair Dhùthchail

Tha trì bliadhna ann bho dh’ainmich Riaghaltas na h-Alba gun cruthaicheadh iad Maoin Bun-structar Turasachd Dùthchail (RTIF) le £6m de thasgadh gus cur ri càileachd turas an luchd-tadhail, sgrìobh Lynn Hamilton, manaidsear RTIF aig VisitScotland.

Asset type post
ID 111496
Word count 1134 words

Licence

Licence Rights Managed - VS Editorial A Licence to use assets for editorial purposes, which is, to illustrate an event or story in an article but not commercially such as marketing a product or print ad. An Editorial asset may show a brand, a trademarked logo or product, a public personality, or recognisable people, without a signed release or with limited releases. When you use VisitScotland Editorial content you do so to illustrate Scottish tourism in a positive way.
Expiry No expiry date
Released
Usage Editorial content can be published in a variety of formats ranging from print or digital to online. In print content can be featured in *newspapers *magazines *brochures. Online content can be published in a *blog *website *article or *social media. Regardless of the format this content should always promote Scotland’s tourism in a positive way.

Tags